Musikariak Ikastetxeetan programan Nafarroako 37 ikastetxek eman dute izena - Musikariak Ikastetxeetan programan Nafarroako 37 ikastetxek eman dute izena - Dpto
Hogeika musikari eta abeslarik parte hartuko dute 14 eta 18 urte bitarteko gazteei zuzendutako ekimenean, urrrian hasiko dira saioak
2018/10/01
programa aurkeztu zen egunean zuzenekoa ere eskaini zuten musikariek
2018ko urritik abendura bitartean antolatuko dira saioak. Ikastetxeek saio bat baino gehiago edukitzeko aukera izanen dute, ikasmaila bakoitzean dagoen matrikula kopuruaren arabera. Saioa antolatu ahal izateko, ikasmaila horretan gutxienez 15 ikasle beharko dira. Saio bakoitzean, bestalde, ez dira 40 ikasle baino gehiago egonen, oro har. Saio horiek eskaintzeko, ekimenean parte hartzen duten musikari, artista eta abeslariek, Hezkuntza departamentuan antolatutako formazio saioetan parte hartu dute.
Ikastetxeetara joanen diren musikarien artean, euskal kantagintza berrienaren izen ezagun ugari dago, besteak beste: Amorante, Eñaut Elorrieta, Gorka Urbizu, Iker Lauroba, Ines Osinaga, Inun, Jon Basaguren, Joseba B.Lenoir, Joseba Irazoki, Jurgi Ekiza, Keu Agirretxea, La Basu, Maria Rivero, Mikel Markez, Miren Narbaiza, Olatz Salvador, Pantxix Bidart, Pelax, Petti, Rafa Rueda, Tristtan Mourguy, Xabi San Sebastian eta Zuriñe Hidalgo.
Programaren aurkezpeneanHezkuntza departamentuan egin bezela, ikastetxeetan ere emanaldi akustikoa eskainiko dute musikariek.
Hezkuntza departamentuko Euskara Sailak antolatutako programa honen baitan 88 saio eskaintzea aurreikusi da. Saio bakoitzak 90 minutuko iraupena izango du eta bertan abeslari bakoitzak euskal musikan bere ibilbidearen errepasoa egingo du eta ondoren bere musikak izan duen jatorria eta bilakaera azalduko ditu. Gainera, idazle zein olerkariek beraien letrak egiteko egiten duten lana ere aipatuko dute. Gainera, artista bakoitzak azalpenak musika emanaldiekin uztartuko ditu.