5.373 izangaik ekainean egingo dituzte Hezkuntzak deitutako Lan Eskaintza Publikoko probak - 5.373 izangaik ekainean egingo dituzte Hezkuntzak deitutako Lan Eskaintza Publikoko probak - Dpto

Hezkuntzak deitutako oposizio-lehiaketaren prozesuan eskainitako 473 plazetarako izena eman duten 5.373 hautagaiek, azkenean, ekainean egingo dituzte probak, lehenengo aldiz telematikoki egindako programazio didaktikoa entregatu ondoren.

Onartutako 7.392 pertsonen % 72,6k bete du baldintza hori. Programazio didaktikoen aurkezpen telematikoa maiatzaren 14tik 20ra bitartean egin zen, eta izangai bakoitzari egokientzat jotako lekuan eta unean entregatzeko aukera eman ahal izan zaio.

Prozesua normaltasun osoz garatu da, eta ez da gorabehera garrantzitsutik gertatu. Hurrengo hitzordua ekainaren 21ean eta 22an izango da. Egun horietan idatzizko probak gaztelaniaz eta euskaraz egingo dira, hurrenez hurren. Gaztelaniazko probak hilaren 21ean eta euskarazko probak, 22an. Epe laburrean, Hezkuntza Sailak deialdiaren fitxan argitaratuko du probak non egingo diren.

Hezkuntza Departamentuak Bigarren Hezkuntzako irakasleen kidegoko 414 irakasle plaza, Hizkuntza Eskola Ofizialetako irakasleen kidegoko 5 plaza eta Lanbide Heziketako Sektore Berezietako irakasle espezialisten kidegoko 54 irakasle plaza betetzeko lan-eskaintza publikoa deitu du. Guztira, 473 plaza. Lanbide-heziketari dagokionez, eskaintzaren garrantzia azpimarratu behar da; izan ere, eskaintzen direnen % 47, gutxi gorabehera, ikasketa mota horrekin lotutako espezialitateetakoak dira.