DONOSTIAKO UDALAREN TXISTULARI TALDEA ETA NGMK-KO ZEIN PSKP-KO TXISTU IKASLEEN KONTZERTUAREN XVIII. EDIZIOA - DONOSTIAKO UDALAREN TXISTULARI TALDEA ETA NGMK-KO ZEIN PSKP-KO TXISTU IKASLEEN KONTZERTUAREN XVIII. EDIZIOA - Dpto

HITZARMENA

 

Bi erakunde hauen arteko hitzarmenari esker,  Donostiako Udalaren Txistulari Taldea eta Goi Mailako Musika kontserbatorioko zein Pablo Sarasate Kontserbatorio Profesionaleko txistu ikasleen  Kontzertuaren XVIII. Edizioa izango da. 

 

Lekua, Musikaren Hiriko Remacha entzutegian,  otsailaren 27an, arratsaldeko 19.30etan. 

Sarrera doakoa izango da.

 

Hitzarmenaren helburuetariko bat txistu ikasleak musikari profesionalen iharduetara hurbiltzea da. Helburu hau nolabait  bete dugula esan dezakegu, ikasleek talde honek antolatutako zenbait kontzertutan parte hartzen baitute. 

 

TXISTU TALDEA

 

Donostiako Udalaren txistu taldea ospe haundiko taldea da eta azken urteetan txistuaren inguruan eman diren zenbait berrikuntzen adierazlerik hoberenetariko bat.

 

Gaur egungo taldea- Aitor Arozena, Jagoba Astiazaran Korta, Jon Ansorena Mujika, Juantxo Vega Aginaga, Gorka Catediano, Javi Lera, Ion Irazoki, Aritz Labrador, Julio García, eta Aitor Gaston- ez da bere aurrekoak baino gutxiago; aitzitik, urrunago jo du, urrunago jotzerik bada. Goitik behera ezagutzen dute errepertorio herrikoia eta ganbera musika jotzen dute bakarka edo beste talde ahozko edo instrumental batzuekin. Errepertorio aberatsa, askotarikoa eta kalitate handikoa du.

 

 

PROGRAMA:

 

 

ALBORADETAKO SOINUA.........................................................Juan Ig. IZTUETAk (1767-1845) jasoa*  

 

NESKATXEN ESKU DANTZA ...........................................................................Juan Ig. IZTUETAK jasoa*

 

Neskatxen esku dantza   Hormatxulo   Txipiritona   Bizkai dantza

 

SAN SEBASTIAN (Soinu Zaharra)..................................................................Juan Ig. IZTUETAK jasoa**

 

Bakarrekoak: Aritz Labrador   Juan Vega

 

DONOSTIA.........................................................................................Pablo SOROZABAL (1897-1985)* 

 

Alkate soinua   Fandangoa

 

BRAKAMAN (Minuetoa)...........………………………......…….......…...…Raimnundo SARRIEGI (1838-1913)*

 

II. BILDUMA (suitea) ....................................Fernando ANSORENAren (1865-1902)   errepertoriotik*

 

 

Zortzikoa   Idiarena   Minuetoa   Dantza

 

Bakarrekoak: Inar Lezaun eta Uxue Ardanaz

 

JEOLIMO......................................................................................Joakin IRURETAGOIENA (1898-1958)

 

Kontradantza   Idiarena   Jeolimo

 

MELANCHOLIC MEMPHIS MEMO......................................................................Jos WUYTACK(1935-)*

 

Moderato   Allegretto   Melancolico   Spiritoso   Adagio Rubato   Scherzando

 

BOST TAUPADA........................................................................................Jose Ig. ANSORENA (1953-)

 

Ibilaldia   Doinua   Zortzikoa   Dantza   Rigodoia

 

Bakarrekoak: Ane Telletxea eta Yaiza González

 

IÑAUTERIA........................................................................................Lorenzo ONDARRA (1931-2012)*

 

SOKA DANTZA..................................................................................................J.Ig.ANSORENA (1953-)

 

 *Egokitzapena: Jose Ignazio Ansorena

** Egokitzapena: Juan Vega 

 

PARTAIDEAK

 

Donostiako Udalaren txistulari taldea:

 

Zuzendari eta txistu 1º: 

Aitor Arozena Muxika

Jagoba Astiazaran Korta

Juan Vega

Jon Ansorena Mujika

Aritz Labrador Odriozola

Gorka Catediano Andrade

Javi Lera Santamaría

Ion Irazoki Zubieta

Julio Garcia Alonso

Aitor Gaston Garmendia

 

Nafarroako Goi Mailako ikasleak: 

 

Inar lezaun, Uxue ardanaz, Ane telletxea, Yaiza gonzález.

 

Kontserbatorio Profesionaleko ikasleak:

Izar Inbuluzketa

Maialen Gómez

 

HISTORIA 

 

Donostiako txistulari tradizioa, seguruenez, Euskal Herriko garrantzitsuena da. Juan Ignacio de Iztueta folkloristaren testigantzari esker, badakigu Donostiakoak kalitate handiko txistulariak izan direla XIX. mendeaz geroztik behinik behin. Eta, horien artean, udalaren txistulariak besteentzako eredu izan dira: Eusebio Basurko, Isidro Ansorena, Javier Hernández Arsuaga, Jose Ignazio Ansorena.

 

Ez da harritzekoa, kontuan izanda bandako kideek gogotik landu dituztela instrumentuaren alderdi desberdin asko, tradizionalak batzuk eta berri-berriak besteak. Errepertorio herrikoia ondo baino hobeto ezagutzen dute eta ganbera musika ere jotzen dute, bakarka nahiz beste ahots zein instrumentu talde batzuekin batera. Errepertorio aberatsa, askotarikoa eta kalitate handikoa dute.

 

 

 

GRABAZIOAK

 

Udalaren Txistulari Taldeak disko batzuk argitaratu ditu historian zehar. Hirurogeiko hamarkadan (Isidro Ansorenaren zuzendaritzapean eta Columbia etxearekin) grabatu zituenak instrumentu horrekin egindako musika adierazpenik onentzat jo izan dira hamarkadetan zehar. Gero, 1981ean, taldeak, Jose Ignacio Ansorenaren zuzendaritzapean eta Jose Antonio Altuna, Olegario Izagirre eta Agustín Laskurainekin batera, dantza eta herri doinu bilduma bat grabatu zuen, Madrilen.

Formazio horrek berak beste hiru disko grabatu zituen 1983 eta 1984an, IZ etxearekin, Gipuzkoako dantzei eskainiak: Gipuzkoako dantzak I, II eta III. 2003. urtean, Euskal Dantzarien Biltzarrak hala eskatuta, Gipuzkoako dantzen oinarrizko errepertorioa grabatu zuen, bertsio tadizionalean eta herri usadioaren arabera egokitua: Gipuzkoako Dantzak (ELKAR). Beste batzuen grabazioetan ere maiz parte hartu izan dute.

 

KOLABORAZIOAK

 

Bestalde, Udalaren Bandako kideak beste zenbait talderekin ere aritu dira diskoak grabatzeko lanetan (Txistu Talde Esperimentala, folk taldeak, e.a.)

Taldeak Donostiako Musika Hamabostaldian, Errenteriako Musikasten, Bilbon, Gasteizen, Iruñean eta Euskal Herriko beste leku askotan jotzeaz gain, atzerrian ere eskaini ditu kontzertuak: Renon (EEBB), MÜnster-en (Alemania), Alpbach-en (Austria).

Euskadiko Orkestra, Kontserbatorioko Orkestra, Donostiako Udalaren Musika Banda eta beste askorekin batera aritu da hainbat kontzertutan.