Hezkuntzak Barañaingo Alaitz Institutuan eremu ezeniko berria sortzeko proiektua esleitu du - Hezkuntzak Barañaingo Alaitz Institutuan eremu ezeniko berria sortzeko proiektua esleitu du - Dpto
Gainera, urrian hasiko dira Iruñeko Iturrama BHIn kirolerako estalpea eraikitzeko lanak
2020/09/29
Hezkuntza Departamentuak Barañaingo Alaitz BHIn eremu ezeniko berria sortzeko eta Iruñako Bigarren Hezkuntzako Iturrama Institutuan kirolerako estalpea eraikitzeko obrak esleitu ditu.
Barañaingo Bigarren Hezkuntzako Alaitz Institutuari dagokionez, zentroak 200 m2-ko eremu eszeniko berria izango du, azalera erabilgarrikoa, eta bi musika-gela, Hezkuntza Departamentuak Excavaciones Fermín Osés S.L. enpresari esleitu berri dion handitze-proiektuan sartutako beste instalazio batzuez gain. Lanak, 686.911 euro, BEZa barne, kopuruan esleitu dira.
Obrak berehala hastea aurreikusten da, herriko Udalak obra lizentzia eman ondoren. Horrela, ikastetxeak azpiegitura bat izanen du Arte Eszenikoen, Musikaren eta Dantzaren espezialitateak azken urteotan izan duen eskaera igoerari erantzuteko.
Alaitz BHIren handitzea, AA Mutilva Arquitectos Asociados enpresak diseinatutako proiektuaren arabera, eraikinaren erdiko hegalaren iparralderanzko luzapen batean garatu da. Beheko solairuan kanpoko espazio estali bat sortuko da ikastetxeko patioaren barruan, 200 m2 inguruko azalera erabilgarria duena. Eremu eszeniko berria lehen solairuan kokatuko da, eta haren gainean, bigarren solairuan, 80 m2 eta 60 m2-ko bi musika gela eraikiko dira, eta 40 m2-ko estudio bat.
Institutuak azpiegitura horiek eskatu zituen 2018an, talde-saio eszenikoetarako (dantza, antzerkia, abesbatza, etab.) balio anitzeko gela eta bi musika-gela izateko: 35 ikasleri dagozkien musika-tresnekin (pianoa, bateria, perkusioak, anplifikadoreak, etab.) lekua emateko adinako zabalera dutenak.
Iturrama BHI
Halaber, Hezkuntza Departamentuak Apezetxea Anaiak SL enpresari esleitu dio Iruñeko Iturrama BHIko kirol pistaren estalkia eraikitzeko proiektua, 374.467 eurotan, BEZ barne.
Obrak datorren urrian hastea aurreikusten da, AGL Estudio de Arquitectura enpresaren proiektu arkitektonikoaren arabera. Lurzatiaren mendebaldeko hegalean dagoen kirol pistaren estaldurak argia zerrenda zehatzetan pasatzeko aukera ematen duen estalkia du eta euri egunetan instalazioa erabiltzea ahalbidetuko du.
Era berean, pistaren ondoko kanpoko eskailera hein batean estali eta babesten da.
Lan hau ikastetxeak kirol praktikak egiteko eskatu izan duen eskaerari erantzuten zaio, azken urteetan izan dituen matrikulazioen eskaera gehitzea hartzeko gai izan daitezen.