Hezkuntzak Ikastetxearen Hizkuntza Proiektuari buruzko prestakuntza-jardunaldi bat antolatu du zuzendaritza-taldeentzat - Hezkuntzak Ikastetxearen Hizkuntza Proiektuari buruzko prestakuntza-jardunaldi bat antolatu du zuzendaritza-taldeentzat - Dpto
Nafarroako ikastetxeek 2018/19 ikasturte honetan jorratu beharreko plangintzen sentsibilizazio eta diagnostiko faseak aztertu dituzte
2018/09/11
Aurrez aurre ez ezik, streaming bidez ere jarraitu ahal izan da saioa
Jardunaldian hitzaldia eskaini du Ana Basterra Cossío adituak, arlo soziolinguistikoan ibilbide zabala duenak, eta jardunaldira joandako 150 profesional baino gehiagorekin ikastetxearentzat dokumentu erabilgarria egiteko gakoak partekatu ditu; besteak beste, Hizkuntzen Tratamendu Integratuaren printzipio metodologikoak ezartzen lagunduko du dokumentuak.
Eleaniztasunaren eta Irakaskuntza Artistikoen Zerbitzuak Ikastetxearen Hizkuntza Proiektua ezartzeko fasean parte hartuko duten ikastetxeei akonpainamendu-zerbitzua eskainiko die hemendik aurrera.
Prestakuntza-jarduera hau Ikastetxearen Hizkuntza Proiektua egiteko lehen urratsa da, eta, bertan, 2018/2019 ikasturtearen hasierako jarraibideetan ezarritako sentsibilizazio eta diagnostiko faseak sartzen dira, Hezkuntzako zuzendari orokorrak uztailaren 2an emandako 350/2018 Ebazpenaren bidez. Modu horretan, Hezkuntza Departamentuak Hizkuntza Proiektua ezartzearen aldeko apustu garbia erakutsi du, ikastetxeen funtzionamendurako oinarrizko dokumentua bezala, soziolinguistikoki gero eta anitzagoa den errealitateari erantzuna emanaz eta hezkuntza-sistema eleaniztunerako bidea sustatuaz, ikastetxearen autonomiatik eta gertutasunetik abiatuta.