Educación pone en marcha un espacio digital para atender las dudas de los centros escolares sobre el Plan de Contingencia de vuelta a clase - Educación pone en marcha un espacio digital para atender las dudas de los centros escolares sobre el Plan de Contingencia de vuelta a clase - Dpto

Hezkuntza Departamentuak gune digitala sortu du datorren ikasturtean ikasgeletara itzultzeko garatutako Kontingentzia Planaren gainean Nafarroako ikastetxeak izan ditzaketen zalantzak erantzuteko. Horretara bideratutako e-posta zehatza sortu du EDUCA plataforman eta jada zalantzak erantzuten ari da Departamentua.

 

Prestatutako zuzeneko komunikazio-kanalean, Hezkuntza Departamentua Planak aurreikusten dituen agertokietan aplikatu beharreko baliabide eta neurrien berri ematen ari da, ikastetxeek egiten dituzten kontsultei erantzunez. Hezkuntza Departamentuko arduradunek erantzunak modu argi eta laburrean ematen dizkiote ikastetxe bakoitzari, baina ohiko galderak Hezkuntza Departamentuaren webgunean argitaratzen dira, ikastetxe guztiek kontsulta ditzaten.

Hezkuntza Sailak jarraibideak bidali dizkie ikastetxe guztiei, biltegi digital berri horren berri emateko, pandemiaren bilakaerari eta Kontingentzia Planean aurreikusitako lau agertokietan jarduteko moduari buruzko zalantzak eta galderak egin ditzaten.

 

Ikastetxeei arreta emateko biltegi digitala martxan jarri zenetik, Hezkuntzak dozenaka zalantzari erantzun die.

 

Ohiko kontsulten artean, honako hauek daude: planean jasotako egoerak, jantokian eduki beharreko distantzia, higienerako materiala erosi eta erabiltzea, ikasleen ratioak, heziketa fisiko eta musikako eskolak ematea edo entzumen eta hizkuntzako profesionalen eta laguntzako pedagogia terapeutikoko lanaren kudeaketa, besteak beste.