Hezkuntza Departamentuak egonkortzeko ezohiko lehiaketaren bi deialdietan parte hartu zuten izangaien merezimenduen behin betiko balorazioa argitaratu du - Hezkuntza Departamentuak egonkortzeko ezohiko lehiaketaren bi deialdietan parte hartu zuten izangaien merezimenduen behin betiko balorazioa argitaratu du - Dpto
Egonkortze-prozesuarekin, Departamentuak serie historikoko eskaintzarik altuena lortu du, guztira 1.950 irakasle plazarekin
2023/05/26
Hezkuntza Departamentuak argitara eman ditu egonkortze merezimenduen lehiaketa bereziaren bi deialdietan parte hartu duten izangaien merezimenduen behin betiko balorazioak.
Departamentuak laster argitaratuko ditu irakasleen kidegoetako lanpostuen behin-behineko esleipena eta atzerriko hizkuntza eskakizuna duten lanpostuetarako hautatutako izangaien zerrenda, aipatu deialdien arabera. Deialdietan ezarritako uko egiteko epearen ondoren, 315 lanpostu esleituko dira Estatuko irakasleen kidegoetako lanpostuen merezimendu-lehiaketan, eta 211 lanpostu, atzerriko hizkuntzako hizkuntza-eskakizuna duten irakaskuntzako lanpostuen merezimendu-lehiaketan.
Egonkortzeari buruzko abenduaren 28ko 20/2021 Legea betez, Nafarroako Aldizkari Ofizialak, 2022ko azaroaren 18an, bi deialdi argitaratu zituen merezimendu-lehiaketa berezirako eta beste bi oposizio-lehiaketarako, unibertsitatez kanpoko irakasle funtzionarioen 767 lanpostu betetzeko. Horiei esker, Europak adierazitako zenbatekoetara hurbilduko da egiturazko bitartekotasun-maila.
Hezkuntza Departamentuak merituen lehiaketa berezia garatu du 2023an, Estatuko irakasleen kidegoetan sartzeko eta Nafarroako Foru Komunitateko Administrazioan atzerriko hizkuntza eskakizuna duten irakasle funtzionario gisa sartzeko. Oposizio-lehiaketako bi deialdietako oposizioaldia 2023-2024 ikasturtean eginen da. Eskaintzen diren 767 lanpostuetatik 526 merezimendu lehiaketa bereziaren bidez beteko dira eta 241 oposizio-lehiaketaren bidez, lau deialdietan banatuak.
Hala, Nafarroako Gobernuak Europak ezarritako egiturazko bitartekotasun-mailara hurbiltzen jarraitzen du, legegintzaldi honetan guztira 1950 irakasle eskaini baitira, aurreko legegintzaldian Hezkuntza Departamentuak eskainitako 1703 plazen aldean.