PIRLS 2021 nazioarteko azterketan parte hartu duten Nafarroako LHko 4. mailako ikasleek 524 puntuko batez besteko puntuazioa lortu dute irakurmenean - PIRLS 2021 nazioarteko azterketan parte hartu duten Nafarroako LHko 4. mailako ikasleek 524 puntuko batez besteko puntuazioa lortu dute irakurmenean - Dpto

Nafarroak 524 puntu lortu ditu, batez beste, PIRLS irakurmenaren aurrerapenerako nazioarteko azterlanean (Progress in International Reading Literacy Study). Azterlan horretan, Foru Komunitateak lehen aldiz hartzen du parte, eta 2021eko udaberrian egin ziren probak.

Nafarroako 52 ikastetxetako Lehen Hezkuntzako 4. mailako 1.000 ikaslek baino gehiagok hartu zuten parte Hezkuntzaren Errendimendua Ebaluatzeko Nazioarteko Elkartearen (IEA, International Association for the Evaluation of Educational Achievement) PIRLS azterketan. Azterketa honek, 2001etik bost urtetik behin, derrigorrezko eskolatzearen laugarren kurtsoko ikasleen irakurmena ebaluatzen du; beraz, PIRLS 2021 nazioarteko ebaluazio horren bosgarren zikloa da.

Edizio horretan, Nafarroako Foru Komunitateak lehen aldiz hartu zuen parte lagin adierazgarriarekin; beraz, oraingoan, Lehen Hezkuntzako 4. mailako ikasleek lortutako batez besteko puntuazioa ezagutu ahal izan da: 524 puntu. Puntuazio hori Espainiako ikasleek lortutakoa (521) baino 3 puntu handiagoa da. Azterketan parte hartzen duten beste autonomia-erkidego batzuen emaitzak beren laginarekin ezagutzeko zain, ondoriozta daiteke, oraingoz, Lehen Hezkuntzako 4. mailan Nafarroako ikasleek lortutako puntuak ikasle alemanek lortutakoen berdinak direla (524). Foru Komunitatearen puntuazioa txikiagoa da Europar Batasuneko ikasle guztiek lortutakoa (528) eta ELGAko herrialdeen batez bestekoa (533) baino. Generoari dagokionez, Nafarroako neskek 530 puntu lortu zituzten, eta mutilek 518.

PIRLS 2021 lehen konfinamenduaren ondoren hezkuntza-sisteman egin den nazioarteko lehen ebaluazioa da. Hain zuzen ere, COVIDek (19) eragindako munduko osasun-krisiaren ondorioz, parte hartu zuten 57 herrialdeetatik 14tan ezin izan ziren probak 2021eko udaberrian aplikatu, eta, beraz, urte horretako udazkenera atzeratu behar izan ziren, ikasleak bosgarren mailan zeudenean.