Hezkuntzak iragarri duenez, Plaza de la Cruz BHIko Batxilergoko ikasleak ikastetxean egingo dute 2023-2024 ikasturtea - Hezkuntzak iragarri duenez, Plaza de la Cruz BHIko Batxilergoko ikasleak ikastetxean egingo dute 2023-2024 ikasturtea - Dpto

Hezkuntza Departamentuak gaur jakinarazi du Plaza de la Cruz BHIko Batxilergoko ikasleek 2023-2024 ikasturtea egingo dutela Iruñeko zabalguneko institutuko eraikinean.

 

Iruñeko alkateak Zangoza kaleko lurpeko aparkalekuaren proiektuko obrak bertan behera uzteko hartu duen erabakiaren berri izan ondoren, Hezkuntzak ikastetxeko zuzendaritzari jakinarazi dio ikastetxeko Batxilergoko hamabi taldeak ikastegian eduki ahal izango direla 2023-2024 ikasturtean.

 

Sailak, Milagrosa auzoko Paderborn-Víctor Pradera ikastetxean, ikasgela eta gune osagarriak jarri zituen Plaza de la Cruz BHIko Batxilergoko ikasleek datorren ikasturtean baldintza pedagogiko egokietan egin ahal izateko, beren gelek Zangoza kalera ematen baitute zuzenean, eta aparkalekuko lanak institutuaren fatxadatik zentimetro gutxira egingo baitziren. Izan ere, Paderborn ikastetxeko ikasle guztiek ikasturte honetan estreinatuko dute Departamentuak Lezkairuko Sotoan eraiki duen ikastetxe berria.

 

Orain, aparkalekuko obrak bat-batean eten ondoren, Hezkuntza Sailak altzari, ekipamendu eta dotazio osagarri guztiak Plaza de la Cruz BHIko jatorrizko guneetara eraman beharko ditu. Eragiketa hori datozen egunetan egingo da.

 

Hezkuntza Departamentuak gogorarazi du hezkuntzarako eskubidea oinarrizko eskubide konstituzionala dela, osasungarritasun baldintza ezin hobeetan eta kalitate pedagogikoko berme guztiekin garatu behar dena.