Hezkuntzak ikastetxe publikoetako irakasleak prestatzeko laguntzak deitu ditu - Hezkuntzak ikastetxe publikoetako irakasleak prestatzeko laguntzak deitu ditu - Dpto
Hitzaldi, biltzar, ikastaro eta mintegietan parte hartzeko dirulaguntzak emango dira
2023/09/20
2023/2024 ikasturtean irakasleak prestatzeko banakako laguntzen deialdia argitaratu du Hezkuntza Departamentuak NAOn. Dirulaguntza 20.000 eurokoa da, eta Foru Komunitateko unibertsitateaz kanpoko irakaskuntzako ikastetxe publikoren batean jardunean dauden irakasleentzat da.
Deialdi honen bidez, irakasleek Espainian nahiz atzerrian egiten diren hitzaldi, biltzar, ikastaro, mintegi eta antzeko jardueretan parte hartzeko diru-laguntzak emanen dira. Lehenbiziko kasuan, laguntza 400 eurokoa izanen da, eta atzerrian egiten diren jardueretan, gehienez ere 800 euro. Laguntzak kontuan hartuko ditu 2023ko irailaren 1etik 2024ko abuztuaren 31ra egiten diren jarduerak, baldin eta eskatzailearen irakasgai, arlo, ziklo edo espezialitatearekin zerikusia badute.
Ez da laguntzarik emanen unibertsitateko tituluak lortzeko ikasketetarako, ez eta hizkuntza tituluak lortzeko ikasketetarako ere. Eskabideak aurkezteko epea 2024ko irailaren 2an hasi eta 16an bukatuko da.