Hezkuntza Departamentuak beste 225 irakasle-kontratazio berri egin ditu - Hezkuntza Departamentuak beste 225 irakasle-kontratazio berri egin ditu - Dpto

Hezkuntza Departamentuak irakasleen 225 kontratazio berri egin ditu azken orduetan. Kontratu horiek urtarrileko lehen eskola-astean egindako 320 kontratuei gehitu behar zaizkie, hau da, urtarrilean berriro hasi zenetik 545 kontratu egin dira, eta irakasleek urtarrilaren 10etik aurrera eskatutako bajen %90 ordezkatu dute.

Joan den ostiralean, urtarrilaren 14an, Hezkuntzak plazaratutako plazen esleipen telematikoan irakaskuntza-kontratazioko 231 eskaintza sartu ziren, eta horietatik sei baino ez dira bete gabe geratu. Egindako 225 kontratuetatik, 141 enpleguaren banaketaren kontzeptuagatik izan dira, eta horrek esan nahi du kontratazioak 2022ko uztailaren 31ra arte eginen direla. Hezkuntzak egindako gainerako kontratazio berriak irakasleen bajak ordezkatzeagatik izan dira, bai COVID-19agatik, bai beste arrazoi batzuengatik.

Kontratazio berri guztiak 2021-2022 ikasturte honetan Hezkuntzak mantendu dituen indartze-irakasleei gehitu behar zaizkie, Haur eta Lehen Hezkuntzan zein Bigarren Hezkuntzan, ziklo eta etapa guztietan, Covid-19aren aurkako prebentzio-protokoloen arabera, ikasleen presentzialtasuna bermatzeko.