angle-left Ismael Loperena margolaria IES Valle del Ebron

Tuterako IES Valle del Ebroko ikasleek eta irakasleek margolari nafarraren artelanekin osatutako erakusketaz eta ondorengo hitzaldiaz gozatu zuten.

2018/10/15

Fontellas herrian sortutako Ismael Loperena margolariak “Historia artearen, zinemaren eta rockaren bitartez 50.hamarkadatik aurrera” ikasgaian izena emanda dauden ikasleentzako hitzaldia eman zuen. “Eros eta Tanatos. Margolanetako artea” izeneko mintzaldian talentuaz aritu zen Loperena, alegia, gizakiok eta animaliak desberdintzen dituen jenioaz. 

Orainaldia bizitzearen garrantziaz ere jardun zen, gauza txikienekin zoriontsu izaten jakiteaz. Horregatik, uda honetan Genova hiriko batxilergoko ikasleekin oroitu zen, hondartzara txangoan zihoazela zubia erori eta hil ziren gazteekin hain zuzen ere. Era berean, bakardadearen ospe txarra ere baztertu nahi izan zuen. Bakardadea baita artistaren  inspirazio iturria. Bere hilkutxaz ere mintzatu zen, joateko ordua iristen zaionerako iaz margotu zuenaz. Era horretan esan nahi izan zien heriotza modu naturalean hartu beharra dagoela.

 

Bere hitzaldiaz gain ikastetxeko ikus-entzunezkoen aretoan 30 lan utzi dizkie, tartean birziklatutako elementuen gainean bai eta oihal gainekoak ere. Tuteraz edo Bardeaz duen hausnarketaren inguruko lanak dira. Bardea hausnarketarako nafar monumenturik garrantzitsuena baita Ismael Loperenarentzat.

 

Informazio gehiago:

 

 http://iesvalledelebro.educacion.navarra.es/web