Gimenok Nafarroako Eskola Kontseiluko Osoko Bilkuran berretsi du beharrezkoa dela Hezkuntza Ekitaterako Itun berri bat lortzea - Gimenok Nafarroako Eskola Kontseiluko Osoko Bilkuran berretsi du beharrezkoa dela Hezkuntza Ekitaterako Itun berri bat lortzea - Dpto

Carlos Gimeno Hezkuntza sailburua Nafarroako Eskola Kontseiluaren (EGK) Osoko Bilkuraren legegintzaldiko azken bileran izan da gaur arratsaldean, eta Hezkuntza Ekitaterako Itun berri baten beharra aldarrikatu du.

Sailburuak adierazi duenez, “itun berri hori ez da hartu behar irakasleen lan-aldarrikapenen negoziazio huts gisa, baizik eta esparru gisa, irakasleen gaitasunen garapenean aurrera egiteko, berdintasunari lotutako ratio-murrizketa berriak sartzeko, curriculumaren eta pedagogiaren berrikuntzan eragina duten neurriak barne hartzeko, ikasleen inklusioa hobetzeko, irakasleen lanbide-garapena sustatzeko eta ikastetxeak XXI. mendeko ikastetxeen profilera hurbiltzeko hobekuntza-planak ezartzeko”.

Manuel Martín ENBko lehendakaria buru dela, Osoko Bilkurak Hezkuntza sailburuaren esku-hartzearen bidez jakin ahal izan du ikastetxeen ordutegi-antolaketarako proposamen berria laster ezagutuko dela, dagokion foru-mailako proiektuaren bidez. Horrek, curriculuma prestatzearekin eta inklusioaren plangintza diseinatzearekin batera, ikastetxeetako erregelamendu organikoak garatzea eta profesionalen lanaldia eta ordutegia antolatzea ekarriko du.

Gimenok eskertu egin du “Nafarroako Eskola Kontseiluko kideek legegintzaldian egindako lan bizia eta emankorra, bereziki garrantzitsua izan baita Foru Komunitatean Hezkuntzaren aldeko Lehen Itun Soziala 2022an lortu ondoren eta COVIDen pandemiaren une latzetan”.

Eskola Kontseiluak urte hauetan aplikatutako hezkuntza-hobekuntza gehienei emandako laguntza esplizituarekin, sailburuak honako hauek aipatu ditu: ikasleen onarpenean izandako aldaketak, hezkuntza-laguntzaren berariazko beharrak dituzten ikasleen indizea egitea, Nafarroak lehenengo aldiz nazioarteko ebaluazio guztietan parte hartzea edo hezkuntza-esparru guztietara hedatutako ebaluazioa arautzen duen foru-agindua onartzea, hezkuntza-komunitateak hezkuntza-sistema bikaintasun-sistema berrirantz bideratzeko egin duen ahalegin komunaren adierazle gisa.

Hain zuzen, Gimenok ENBren Osoko Bilkuran adierazi duenez, Hezkuntzako aurrekontua %34 handitu da 2019tik aurrera. Biztanle bakoitzak 1.417 euro gastatuko ditu hezkuntzan, duela lau urte baino 350 euro gehiago (% 24,70 gehiago).

Gimenok ENBko osoko bilkurako kideei azaldu dienez, irakasleen plantillen egonkortze-maila serie historikoko handiena izan da: 2.042 plaza (%29), aurreko legegintzaldiko 1.703 plazen aldean, eta PAI programako plazetan bitartekotasunaren murrizketa ezarri da, %69koa, 2024ko udan %17koa.

Hezkuntza-komunitatearekin egindako lan osoari eta Nafarroako Eskola Kontseiluaren ekarpenari esker, hezkuntza-sistemak aurrera egin du ikasle bakoitzaren potentzial maximoa aprobetxatzeko, Foru Komunitateko enpleguan, hazkunde ekonomikoan eta gizarte-aurrerapenean ondorio negatiboak saihestuz. Gimenok gogorarazi du helburua eskola-porrotaren tasa eta uzte-tasa murriztea zela. Bada, 2019az geroztik, adierazle hori gainbehera etorri da, eta, hala, kopuru berezi bat lortu da, hain zuzen ere, 2022-2023 ikasturtean eskola-uztearen% 5,3 besterik ez. Horrenbestez, Nafarroa Espainiako Autonomia Erkidegoa da eskola-uztearen indize txikiena duena, eta Europako eskola-porrotaren batez bestekoaren azpitik dago.