Hala, datozen egunotan egongo diren berrikuntzen inguruan informazioa helarazi nahi izan die Departamentuak eta hala goizeko 10:00etan Hezkuntza Departamentuan bilera egin du Ekitaldi Areto nagusian.

IKASNOVAren aurkezpenean zehaztu zen moduan jada hiru urte dira eraldaketa digitalerako estrategia garatzen hasi zela. Horregatik, Hezkuntzak 10 aldiz hazi du 2015eko aurrekontua. Zehazki, 2018an 2,5 milioi euro bideratu dira ikastetxeek sarera lotura egokia izan dezaten, 5 milioi euro zaharkitutako gailuak berritzeko (PC, monitore interaktiboak…) eta 6.500 ordenagailu eramangarri ikasle eta irakasleentzat, ikasketa metologia berrietara egokitzeko ikastetxeetan espazio berriak diseinatzeaz gainera (erabilera anitzeko espazioak, berrantolatutako espazioak dituzten eraikin berriak…), irakasleen trebakuntza saioak geletan estrategia hori guztia garatu ahal izateko, dagoeneko Nafarroako ikastetxe publikoetan abiarazitako hainbat programa eta proiekturekin.

2017/2018 eta 2018/2019 ikasturteetan egindako inbertsioen artean honakoak nabarmentzen dira: 7.500 Chromebook, 7.000 PC eta ordenagailu eramangarri, 1.765 monitore interactivo, 150 zerbitzari zentroetarako, eta azken belaunaldiko WIFI sareara lotutako 60 zentro baino gehiago.

Formazioa familia, irakasle eta gizartearentzako

Datozen egunotan Hezkuntza Departamentuak hainbat informazio tresna aurkeztuko ditu hala nahi duenak neguko oporretan eskola publikoaren digitalizazioari buruz egunean jartzeko aukera izan dezan; liburuxka, webgunea, bideoak… IKASNOVA zer den hobeto ulertzeko era guztietako soporteak eskainiko dira.

Horren adibide izanen da, Siro Lopez, hezkuntza espazioak komunikaziora, sorkuntzara eta eraldaketa digitalera moldatzean aditua denak, egingo duen bisita eta hitzaldia. Berak argitaratutako “Esencia” liburuan munduko ehunka ikastetxeetan hartutako 800 iruditik gora aurkitu daitezke. Irudiok hainbat irakasleek aldaketak egiteko erabili dituzte eta hala ideiok “txalotu” dituzte. Egileak ikastetxeak eraiki, diseinatu eta atontzerakoan “berrikuntzaren betaurrekoak” janzteko gonbitea luzatzen du liburuan.

Zehazki bere hitzaldia Hezkuntza Departamentuak Iruñeko San Jorge etorbidean guztiz eraikitako ikastetxe berrian, Iparralde DBHIn izango da. Hitzaldia eman aurretik, Juan Ardaiz Astrain hezkuntza teknologien zerbitzuko zuzendariak, eta Eneko Ardaiz Ganuza, azpieguturen zerbitzuko zuzendariak Siro Lopezi eta kazetariei bertako instalazioak erakutsiko dizkiote, izan ere ikastetxe berri hau hezkuntza komunitate osoaren iritziak kontuan hartuz eta hezkuntza helburuak jarraituz eraiki da.

Siro Lopezen “Espacios para el aprendizaje y la creatividad” hitzaldian parte hartzeko izen-ematea zabalik da.