Arte ikasketak

Arte ikasketen xedea da ikasleei kalitateko arte prestakuntza ematea eta musikaren, dantzaren, arte plastikoen eta diseinuaren arloko etorkizuneko profesionalen kualifikazioa bermatzea.

Kontaktua: Arte Ikasketetarako eta Musikaren Hiria Kudeatzeko Atala
Mezu elektronikoak: ensearti@navarra.es
Telefonoa: 848 42 69 73

Arte Plastikoetako eta Diseinuko irakaskuntza profesionalak - Goi mailako zikloak

Goi mailako zikloen eskaintza - 2021-2022 ikasturtea

Jaits ezazu 2021-2022 ikasturteko eskaintzaren liburuxka:     Goi maila

  Izena ematea Arteetako eta LHko goi mailako zikloetan

Goi mailari buruzko informazio orokorra

Goi mailako heziketa zikloak gaindituz gero Arte Plastikoetako eta Diseinuko goi mailako teknikariaren titulua eskuratzen da. Goi mailako hezkuntzako irakaskuntzak dira.

Horien bitartez, ikasleek lortuko dute:

  • Gaitasun profesional eta artistikoa, enplegu kualifikatuetan sartzeko aukera emanen diena.
  • Gaitasuna izatea jarduera profesionalen multzo batean (jarduera horiek zerikusia dute diseinuarekin, arte aplikatuekin eta lanbide artistikoekin). Horri esker balioesten ahal da arte plastikoek zer garrantzi duten sormen-hizkuntza unibertsal gisa eta kultura-adierazpenerako bitarteko gisa, arteen eta kultura-industrien berrikuntza bultzatuz.

Goi mailako teknikariaren titulua erdietsi ondoren:

  • Lan munduan sartzen ahalko zara.
  • Goi mailako arte-irakaskuntzetako ikasketekin jarraitzen ahalko duzu.
  • Graduko unibertsitate-irakaskuntzetako ikasketekin jarraitzen ahalko duzu.
Goi mailako zikloak lanbide-arloen arabera

Arte Plastikoetan eta Diseinuan eta Lanbide Heziketan, Nafarroan eskainitako goi mailako teknikariaren tituluen katalogoan 57 titulu daude, 23 lanbide arlotan banatuak (3 Arte Plastikoetakoak eta Diseinukoak eta 20 Lanbide Heziketakoak). Hauek dira Arte Plastikoetako eta Diseinuko hiru lanbide-arloak:

Liburuari Aplikatutako Arteak:

  • Arte Plastikoetako eta Diseinuko goi mailako teknikaria Grabatuan eta Estanpazio Tekniketan

Komunikazio Grafikoa eta Ikus-entzunezkoa:

  • Arte Plastikoetako eta Diseinuko goi mailako teknikaria Argazkigintzan
  • Arte Plastikoetako eta Diseinuko goi mailako teknikaria Ikus-entzunezko Grafikoan
  • Arte Plastikoetako eta Diseinuko goi mailako teknikaria Ilustrazioan
  • Arte Plastikoetako eta Diseinuko goi mailako teknikaria Animazioan

Eskulturari aplikatutako arteak:

  • Arte Plastikoetako eta Diseinuko goi mailako teknikaria Teknika Eskultorikoetan
  • Arte Plastikoetako eta Diseinuko goi mailako teknikaria Ebanisteria Artistikoan

 

Ziklo hauen gaineko informazio gehiago: hemen

 

Arte eta goi mailako diseinu eskolak Nafarroan:

Iruñeko Arte eta Goi Mailako Diseinu Eskola

Corellako Arte eta Goi Mailako Diseinu Eskola

Sartzea

Betebehar orokorrak

Arte Plastikoetako eta Diseinuko goi mailako zikloetan sartzeko, beharrezkoa da betebehar hauetako bat betetzea:

  • Batxilergoko titulua
  • Arte Plastikoetako eta Diseinuko teknikariaren titulua
  • Lanbide Heziketako teknikariaren titulua
  • Goragoko ikasketa-maila bateko titulazioa.
  • Heziketa zikloetan sartzeko proba bat gainditua izatea  (sartzeko titulurik ez duten pertsonak, gutxienez ere 19 urte beteta dituztenak proba egin den urtean).

Berariazko betebeharrak

Goian aipatutako betebehar akademikoetako batez gain, hauxe egin beharko duzu:

  • Gaitasun artistikoa erakusteko proba bat gainditu  ; proba espezifiko bat, egin nahi dituzun ikasketen mailari lotuta dagoena. Honako hauek gaitasun artistikoaren proba egitetik salbuetsita egonen dira:
    • Honako titulazio hauetakoren bat dutenak: Arte Plastikoetako eta Diseinuko teknikaria / Arte Plastikoetako eta Diseinuko goi mailako teknikaria / Arteen modalitateko batxilergoa / Goi mailako arte-irakaskuntzetako tituluak / Arteetako gradua / edo aurreko horietako baten baliokidetzat jotako edozein titulu.
    • Edo frogatzen dutenak: aurreko deialdietako batean gainditu zutela gaitasun artistikoaren proba hau / gainditua dutela goi mailan sartzeko proba, 'Arteak' modalitatean, Nafarroan / gutxienez badutela urtebeteko lan-esperientzia, zikloari lotutakoa.