Liburuak gozagarri - Dpto
Hizkuntza da irudikatzeko eta komunikatzeko, sozializatzeko eta ikasteko bide nagusia eta, beraz, ikaslearen prestakuntza osoan paper nagusia du. Oso gaztetik hasita, hizkuntzen ikaskuntza bermatzea ezinbestekoa da belaunaldi berrien bizitzarako eta etorkizunerako.
Kontaktua: Arte eta Hizkuntza Ikasteten Atala / Atzerriko Hizkuntzen Atala
Mezu elektronikoak: ensearti@navarra.es
Telefonoa: Euskara Atala: 848 426 593 Arte eta Hizkuntza Ikasteten Atala 848 426 973
“Liburuak gozagarri” programako helburua da euskal idazleen lanaren eta esperientziaren bitartez, ikasleek irakurzaletasuna garatu eta euskarazko literaturarekin gozatzea. Euskal Idazleen Elkarteak kudeatuko du programa berriz ere, Euskara Atalarekin lankidetzan.
D ereduko Haur eta Lehen Hezkuntzako, Bigarren Hezkuntzako eta Batxilergoko ikasleei zuzenduta dago.
Honako prozesua izango du. Lehenik eta behin, gelan idazle baten liburua aukeratuko dute. Liburua irakurri eta landu ostean, ikasleek liburuaren egilearekin saio bat zuzenean izanen dute. Bertan, ikasleek idazlearekin honen lanaz, esperientziaz eta liburuaren gaineko bitxikeriaz hitz egiteko. Dena bukatutakoan, ikasleek nahiz irakasleak saioaren inguruko balorazioa eginen dute eta Euskal Idazleen Elkarteko webgunean jarriko du irakasleak. Saioak urritik ekainera bitarte eginen dira eta saioen iraupena 50 minutukoa izanen da.
Behin izena emateko epea bukatuta, ikastetxearen eskaera onartzen bada, Euskal Idazleen Elkartea zentroekin harremanetan jarriko da saioak ongi antolatzeko.