Hizkuntzak - Eleaniztasuna

Hizkuntza da irudikatzeko eta komunikatzeko, sozializatzeko eta ikasteko bide nagusia eta, beraz, ikaslearen prestakuntza osoan paper nagusia du. Oso gaztetik hasita, hizkuntzen ikaskuntza bermatzea ezinbestekoa da belaunaldi berrien bizitzarako eta etorkizunerako.

Kontaktua: Eleniztasunen eta Arte Ikasketen Zerbitzua / Atzerriko Hizkuntzen Atala
Mezu elektronikoak: sle@navarra.es
Telefonoa: Euskara Atala: 848426593/848426613 / Atzerriko Hizkuntzak 848 42 33 55

Hizkuntza ereduak

Nafarroako hezkuntza sistemak hizkuntza eredu desberdinak eskaintzen ditu, haurrak euskaraz eta/edo gaztelaniaz eskolatzea ahalbidetzeko.

  • A eredua

Gaztelaniaz ematen da irakaskuntza eta euskara irakasgai bezala izaten da, maila, etapa eta modalitate guztietan.

  • B eredua

Zati batean euskaraz ematen da irakaskuntza, gaztelania irakasgai bezala izaten da eta irakasgai batean edo gehiagotan ere irakas-hizkuntza gaztelania da, ikasketen, zikloaren edo etaparen arabera.  

  • D eredua

Irakaskuntza osorik euskaraz ematen da, gaztelaniako irakasgaia izan ezik.

  • G eredua

Eredu honetan ez da euskara ematen, ez irakasgai bezala ezta irakas-hizkuntza bezala ere. Hizkuntza eremuaren arabera ezartzen da. 

 

Eremu euskaldunerako A, B eta D ereduak baimentzen dira eta, beraz, nahitaezkoa da euskararen irakaskuntza; eremu mistorako A, B, D eta G ereduak baimentzen dira eta eremu ez-euskaldunerako A, D eta G ereduak. 4/2015 Foru Legeak, 2015eko martxoaren 10ekoak, 18/1986 Euskararen Foru Legeak hein batean aldatzen duena, eskualde honetan D eredua onartzen du. Aipaturiko araudiaren aplikazioan laguntzeko, D eredurako erreferentziazko ikastetxeak ezarri dira.

 

Edonola ere, hezkuntza sisteman sartzean hizkuntza eredu jakin bat aukeratzen duten ikasleek, eredu horretan berean jarraitu beharko dute eskolatze garai osoan. Balizko aldaketak ondoko  zerbitzuen katalogoko fitxan  eska daitezke (zenbait kasutan eta kontuan hartuta egoera desberdina dela etaparen bukaeran edo etaparen barnean egiten bada).