Hizkuntzak - Eleaniztasuna

Hizkuntza da irudikatzeko eta komunikatzeko, sozializatzeko eta ikasteko bide nagusia eta, beraz, ikaslearen prestakuntza osoan paper nagusia du. Oso gaztetik hasita, hizkuntzen ikaskuntza bermatzea ezinbestekoa da belaunaldi berrien bizitzarako eta etorkizunerako.

Kontaktua: Eleniztasunen eta Arte Ikasketen Zerbitzua / Atzerriko Hizkuntzen Atala
Mezu elektronikoak: sle@navarra.es
Telefonoa: Euskara Atala: 848426593/848426613 / Atzerriko Hizkuntzak 848 42 33 55

Musikariak ikastetxean
Euskara Atalaren programarik berriena da: 2018-19 ikasturtean jarri da martxan, euskal musika eta musikariak ikastetxeetara eramateko asmoz. Musika da gazteek euskal kulturarekin duten lotura indartsuena eta, batzuetan, bakarra. Horregatik, kultur transmisioa eta ikasleen motibazioa areagotzeko tresna paregabea dugu musika. Programa honen bidez, euskal musikariekin aurrez aurreko saioak eskaintzen dizkie Hezkuntza Departamentuak Nafarroako DBHko 3. eta 4. mailako eta Batxilergoko A eta D ereduetako ikasleei. Saio horietan, zuzeneko musikaz gozatzeko aukera dute 14 urtetik 18 urtera bitarteko gazteek. Horrez gainera, musikariekin euskal musikarekin bilakaeraz eta sormen prozesuaz mintzatzeko parada izaten dute ikasleek. Ikastetxeetara joaten diren musikarien artean, euskal kantagintza berrienaren izen ezagun ugari dago, besteak beste: Amorante, Eñaut Elorrieta, Gorka Urbizu, Iker Lauroba, Ines Osinaga, Inun, Jon Basaguren, Joseba B.Lenoir, Joseba Irazoki, Jurgi Ekiza, Keu Agirretxea, La Basu, Maria Rivero, Mikel Markez, Miren Narbaiza, Olatz Salvador, Pantxix Bidart, Pelax, Petti, Rafa Rueda, Tristtan Mourguy, Xabi San Sebastian eta Zuriñe Hidalgo. Musikarien bisita jasotzeko eskaera ikasturte hasieran egin behar dute ikastetxeek. 2019-20 ikasturtean 190 saio eskainiko dira.