Zein eragilek parte hartzen duten - Dpto

Irakasleen prestakuntzari dagokionez Hezkuntza Departamentuaren misioa da etengabeko prestakuntzaren plangintza eta garapena lideratzea. Prestakuntza irakasleen eskubidea eta betebeharra den bezala, hezkuntza-Administrazioen eta ikastetxeen erantzukizuna ere bada, azken xedea irakasleen garapen profesionalaren bitartez Nafarroako hezkuntza sistemaren kalitatea hobetzea baita.

Prestakuntzaren diseinua, antolaketa, egitea eta ebaluaketa Hezkuntza Departamentuaren Sail desberdinek gauzatzen dute, Prestakuntzaren eta Kalitatearen Atala eta Irakasleen Laguntza Zentroen (ILZ) laguntzaz. Beraz, bertatik-bertako prestakuntza beharrei ahalik eta hobekien erantzuteko, ikastetxeei aholkularitza emateko eta Prestakuntza Plana garatzeko Nafarroan bost ILZ daude, hau da, Iruñean, Lekarozen, Lizarran, Tafallan eta Tuteran zentro bana. Dagokion ILZko erreferentziazko aholkulariak ikastetxeei lagunduko die beren ikastetxeko prestakuntza-plana egiten, antzemandako prestakuntza-premietan eta hobekuntza-planean oinarrituta. Era berean, ikastetxe bakoitzak prestakuntza-arduradun bat izendatuko du, ikastetxearen eta ILZko aholkularitzaren arteko lotura izan dadin. Inor izendatu ezean, ikasketa-buruak hartuko du bere gain zeregin hori.

Irakasleek jardueren garapenean eta diseinuan aktiboki parte hartzea garrantzitsua izango da jardueren eragin arrakastatsuari begira.

Etengabe garatzen ari den prestakuntza plana irekia dago hezkuntza erkidegoko edozein eragilek edo Nafarroako gizarteak egin dezaketen proposamen eta ekimen orori.

Europako zuzentarauek eta nazioarte mailan eta Nafarroako Foru Komunitatean egindako ebaluazioek hezkuntzaren erronka berriei erantzuna emanen dien prestakuntza eskaintza eskatzen dute.