Arroizko ikastetxeak Erdi Arora bidaiatu du diziplinarteko proiektu baten bidez - Arroizko ikastetxeak Erdi Arora bidaiatu du diziplinarteko proiektu baten bidez - Dpto
Landa-eskolatzat hartzen dira Haur Hezkuntzako eta Lehen Hezkuntzako ikastetxe publikoak, landa-eremuetan kokatuta daudenak eta gradu anitz duten unitateak dituztenak, hau da, taldeak non irakasle batek aldi berean ikasturte bat baino gehiagoko ikasleak hartatzen dituen. Hortaz, 9 unitate baino gutxiago izanen dituzte eskola hauek. Hauetako batzuek talde bakarra dute ikasle guztiendako, eta "eskola unitario" izendapena dute.
Kontaktua: Haur Eskolen eta Landa Eskolen Atala
Mezu elektronikoak: dpto-escuelasinfantilesyrurales@educacion.navarra.es
Telefonoa: 848426555 – 848424803
2025/05/26
Bigarren hiruhilekoan, Arroizko ikastetxea iraganean murgildu da Erdi Aroan oinarritutako diziplinarteko proiektu baten bidez, gazteluak ardatz nagusi hartuta. Haur Hezkuntzatik 6. mailara arteko ikasle guztiek parte hartu dute garai historiko honi buruzko jardueretan: maketak eraiki dituzte, biografiak eta armak ezkutatu dituzte, tailer artistikoetan aritu dira, ikerketa historikoak egin dituzte eta baita podcast-ak grabatu ere.
Talde bakoitzak bere adinera egokitutako ikuspegitik landu ditu edukiak. Txikienek gazteluak eraiki zituzten jolasguneetan eta garai hartako bizimodua gaur egungoarekin alderatu zuten. Maila aurreratuagoetan, Nafarroako eta Espainiako hainbat gaztelu eta jauregiri buruz ikertu zuten, pertsonaia historiko garrantzitsuen biografiak aztertu zituzten, elkarrizketa antzeztuak prestatu eta kondaira eta erromantzeak landu zituzten.
Proiektuaren amaiera apirilaren 4an ospatu zen, familiei irekitako erakusketa batekin. Eskola osoa girotu zen Erdi Aroko eszenatoki bihurtuz; pasabideak ikasleen lanekin, maketekin, armekin, musika-tresnekin eta ikasgelaz ikasgela osatutako denbora-lerro batekin apainduta zeuden.
Esperientzia aberasgarri eta bizigarria izan da, hezkuntza-komunitate osoa batu duena, eta ikasleei historia, artea, hizkuntza, pentsamendu kritikoa eta teknologia modu sortzaile eta esperimentalean ikasteko aukera eman diena.
