Herriko iñauterietarako prestatzen, Igantziko landa eskolan: familia, kultura eta ikaskuntza - Herriko iñauterietarako prestatzen, Igantziko landa eskolan: familia, kultura eta ikaskuntza - Dpto
Landa-eskolatzat hartzen dira Haur Hezkuntzako eta Lehen Hezkuntzako ikastetxe publikoak, landa-eremuetan kokatuta daudenak eta gradu anitz duten unitateak dituztenak, hau da, taldeak non irakasle batek aldi berean ikasturte bat baino gehiagoko ikasleak hartatzen dituen. Hortaz, 9 unitate baino gutxiago izanen dituzte eskola hauek. Hauetako batzuek talde bakarra dute ikasle guztiendako, eta "eskola unitario" izendapena dute.
Kontaktua: Haur Eskolen eta Landa Eskolen Atala
Mezu elektronikoak: dpto-escuelasinfantilesyrurales@educacion.navarra.es
Telefonoa: 848426555 – 848424803
2026/02/17
Igantziko eskolan, ikasleek ez dute ikaskuntza liburuetara soilik mugatu: eguneroko bizitzarekin eta herriko kulturarekin zuzenean loturiko proiektu batean murgildu dira. Gurasoen parte-hartze aktiboak —kasu honetan, jostun diren gurasoek— agerian uzten du landa eskoletan ohikoa den familia eta eskolaren arteko harreman estua. Eskola espazio irekia da, non gurasoak ez diren ikusle hutsak, baizik eta hezkuntza prozesuaren parte.
Bertzalde, Haur Hezkuntzako ikasleek josteko makina erabiltzeko aukera izateak erakusten du landa eskolen malgutasuna eta ikaskuntza esperiantzialaren aldeko apustua. Adin ttikikoek eskuekin ikasi dute, material errealak erabiliz, eta helduen laguntzarekin; horrek autonomia, jakin-mina eta konfiantza sustatzen ditu. Horrelako testuinguruetan, adinen arteko harremanak eta ikaskuntza naturalagoak dira, talde ttikiek hori posible egiten baitute.
Gainera, etxeko oihalak berrerabiliz mozorroak sortzeak iraunkortasunaren balioa eta sormenaren garrantzia lantzeko aukera eman du. Aldi berean, herriko pertsonaia baten —Mairuaren— mozorroak egiteak tokiko identitatea eta ondare kulturala indartzen ditu, landa eskolen funtsezko ezaugarrietako bat dena.
Laburbilduz, albiste honek erakusten du nola landa eskolak, nola Igantzikoak, hezkuntza komunitarioa, praktikoa eta kulturala eskaintzen duten. Eskola ttikiak izan arren, aukera handiak sortzen dituzte ikasleen garapen integralerako, herria bera ikasgela bihurtuz.
