Gau Beltza ospatu zuten Oronozko landa eskolan - Gau Beltza ospatu zuten Oronozko landa eskolan - Dpto
Landa-eskolatzat hartzen dira Haur Hezkuntzako eta Lehen Hezkuntzako ikastetxe publikoak, landa-eremuetan kokatuta daudenak eta gradu anitz duten unitateak dituztenak, hau da, taldeak non irakasle batek aldi berean ikasturte bat baino gehiagoko ikasleak hartatzen dituen. Hortaz, 9 unitate baino gutxiago izanen dituzte eskola hauek. Hauetako batzuek talde bakarra dute ikasle guztiendako, eta "eskola unitario" izendapena dute.
Kontaktua: Haur Eskolen eta Landa Eskolen Atala
Mezu elektronikoak: dpto-escuelasinfantilesyrurales@educacion.navarra.es
Telefonoa: 848426555 – 848424803
2023/11/16
Gau Beltza hurbiltzearekin batera Oronozeko eskolako irakasleak gaia lantzen hasten dira ikasleekin, herriko ohitura zaharra oroituz.
Abestiak, arte lanak, ipuinak eta abar jorratzen dituzte hiru hizkuntzetan urtero. Ondotik, aurreko ikasturtean eskolan landatutako kalabaza landareetatik sortutako kalabazak ekartzen dituzte ikasleek eskolara.
Eguna iritsitakoan, urriaren 31, hain zuzen ere, ikasle guztiak elkartu, kalabazak hustu eta aurpegi beldurgarriak sortu zituzten. Zoragarri aritu ziren ikasle zaharrenak ttikiei lagunduz. Gau Beltza zenez, kalabazak eskola inguruan jarri zituzten ingurua apaintzeko eta, ondotik, albistea idatzi zuten 4. , 5. eta 6. mailako ikasleek eskolako blogean.
Bistan denez, haziak hurrengo udaberrian berriz ere landatzeko asmo argia dute, zikloa berriz ere hasteko.
