Maskulinitate eta ahalduntze tailerrak burutu dituzte Auñamendiko landa eskolek - Maskulinitate eta ahalduntze tailerrak burutu dituzte Auñamendiko landa eskolek - Dpto
Landa-eskolatzat hartzen dira Haur Hezkuntzako eta Lehen Hezkuntzako ikastetxeak, landa-eremuetan kokatuta daudenak, gradu anitzeko unitateak dituztenak, hau da, 9 unitate baino gutxiago dituztenak, eta irakasle batek aldi berean ikasturte bat baino gehiago ematen duenean.
Kontaktua: 0-3 eta Landa Eskolen Atala
Mezu elektronikoak: dpto-0a3@educacion.navarra.es
Telefonoa: 848426555 – 848424803
2024/02/08
Ikasturte honetan, hirugarrenez, Auñamendi Gizarte Zerbitzuen mankomunitateak “MASKULINITATE ETA AHALDUNTZE” tailerrak antolatu ditu gure eskoletako ikasleentzat.
Urtarrilan zehar Garralda, Auritz eta Auzperriko LHko 5. eta 6. mailako ikasleek eta zonaldeko DBHko ikasle guztiek “maskulinitate eta ahalduntze” tailerrak jaso dituzte, Maimar berdintasunerako aholkularitzaren eskutik.
Hasierako saioetan bi taldetan banatu dira: neskak eta mutilak. Aurreiritzirik gabeko esparrua sortu da, zeinetan ikasleek beraien esperientziak elkar banatzeko aukera izan duten. Nesken kasuan, emakumeen ahalduntzea sustatu da, eta mutilen kasuan, gizona izateko eta maskulinitatea bizitzeko modu anitzak erakutsi dira. Honetaz gain, ikasleen artean berdintasunaren aldeko jarrera bultzatu eta indarkeria matxistaren prebentzioa landu da, batez ere sare sozialetan.
Azken saioan, neska eta mutilen arteko dinamika bat egin da, ikasitako guztia batera ixteko.
Saio hauek garrantzi berezia hartzen dute gure zonaldean, landa eremua ere berdintasunerantz doan gizartea dela ikusarazi eta gure ikasleak aldaketaren eragile bihurtzeko.
