Garraldako eskola

Hasteko, talde-argazkia egin zuten etapa guztietako ikasle eta iarakasleek ikastetxeko jolastokian. 

 

Horren ondoren, Maite Ruiz De Larramendi eta Maider Otegi pilotarien bisita izan zuten beraien esperientzia kontatzen. Urteetan zehar kirol munduan izandako ibilbidean harrapatutako oztopo, erronka eta borroken berrin berri eman zieten han bildutakoei, baita gaur egungo egoeraz jardun ere.

 

Azkenik, “Las pelotaris” dokumentala proiektatu zen.

Oso interesgarria izan zen eta oso eskertuta dago eskola-komunitatea neskek egiten duten ahaleginagatik.

 

 

Etxalarko landa eskola

Astean zehar, gelaka, adinari egokitutako lanketa egin zuten. Egunean bertan, martxoak, 8, kalera atera eta egunak dakarren erreibindikazio ekitaldia burutu zuten Eskola Komunitatea osatzen duten ikasle, irakasle eta familiek elkarrekin. 

Goizeko 10:30ak inguruan denak eskolako atarian elkartu ziren. Kolore moreko arropak, puxikak eta M8 EGUNERO lelopean egindako kartelaren laguntzaz herriari musikaz alaiturik itzulia eman zioten. Bekolandan aldez aurretik prestaturiko dantza erakutsi zuten eta kalejirarekin plazaraino joan ziren. 

Plazan dantza egin zuten, oraingo honetak familiek ere parte hartu zutelarik eta talde-argazkia egin zuten ekitaldia bukatzeko.

Egitasmo oso polita izan zen, eskola komunitatea elkartu eta harremanak sondotzeko balio izan zuelarik.

M8 EGUNERO!