Nazioarteko Fronte Polisarioaren eguna landu Etxalarko landa eskolak aurten - Nazioarteko Fronte Polisarioaren eguna landu Etxalarko landa eskolak aurten - Dpto
Landa-eskolatzat hartzen dira Haur Hezkuntzako eta Lehen Hezkuntzako ikastetxe publikoak, landa-eremuetan kokatuta daudenak eta gradu anitz duten unitateak dituztenak, hau da, taldeak non irakasle batek aldi berean ikasturte bat baino gehiagoko ikasleak hartatzen dituen. Hortaz, 9 unitate baino gutxiago izanen dituzte eskola hauek. Hauetako batzuek talde bakarra dute ikasle guztiendako, eta "eskola unitario" izendapena dute.
Kontaktua: Haur Eskolen eta Landa Eskolen Atala
Mezu elektronikoak: dpto-escuelasinfantilesyrurales@educacion.navarra.es
Telefonoa: 848426555 – 848424803
Maiatzaren 10ean izan zen eta Saharaztan taldearen ordezkari baten laguntzarekin kontatu zuten
2025/06/18
Saharaztan elkarteak, ANAS-ek urtero antolatzen duen “Oporrak bakean” programan parte hartzen duenez, bertako kide den Mikel Gereka eskolan izan genuen bai programaren berri emateko bai eta Saharako errefuxiatuen kanpamenduen egoera ezagutarazten laguntzeko ere.
Egun honetako helbururik garrantzitsuena, ikasleek Saharako erefuxiatuen egoera zein den eta bertako gatazkaren inguruko zenbait nozio ezagutzea izan zen, kontzientzia eta enpatia lana eginez.
Horretarako, gelaz gela, tutore bakoitzak kontzientzia eta enpatia lan horren inguruko lanketa egin zuen; gaia aurkeztu eta zenbait oinarrizko jakintza emanez. Modu honetan, ikasleek aurretik zekitena jaso eta gaia aurkeztu ondoren sortu zitzaizkien galderak jaso zituzten.
Maiatzaren 9an, Mikel Gerekaren bisita jaso genuen eskolan. Eskolako ikasle zein irakaslegoa berarekin bildu ginen eta berak egoera politikoaren berri ondoren berak bizi izandako bizipen eta esperientziak partekatu zituen.
Urte aunitzez “Oporrak bakean” programaren parte hartzaile aktiboa izan da Mikel eta errefuxiatuen kanpamenduetara egin zuen azken bidaian sortutako bideo eta bizipenak gurekin partekatu zituen.
Ikasleek interes eta zalantza aunitz galdetzeko aukera izan zuten eta interes eta motibazio handia erakutsi zuten gaiaren inguruan.
Mikelek programan parte hartzeko gonbidapena luzatu zigun eskola komunitate osoari eta beraren laguntzarekin egin genuen kontzientzia lana hagitz aberasgarria egin zitzaigun bai ikasle zein irakaslegoari ere.
ESKERRIK ASKO, MIXEL!
