Zein eragilek parte hartzen duten - Dpto
Hezkuntza Departamentuak ikastetxera bideratutako askotariko prestakuntza jarduerak planifikatzen eta garatzen ditu, hezkuntza unitate modura harturik ikastetxea. Atal honetan bada jardueren gaineko informazio xehatua.
Kontaktua: Prestakuntzaren eta kalitatearen atala
Mezu elektronikoak: secretaria.cap.pamplona@educacion.navarra.es
Telefonoa: Orokorra 848 426232 Ziurtagiriak eta deialdiak 848 424775 / 848 424776
Irakasleen prestakuntzari dagokionez Hezkuntza Departamentuaren misioa da etengabeko prestakuntzaren plangintza eta garapena lideratzea. Prestakuntza irakasleen eskubidea eta betebeharra den bezala, hezkuntza-Administrazioen eta ikastetxeen erantzukizuna ere bada, azken xedea irakasleen garapen profesionalaren bitartez Nafarroako hezkuntza sistemaren kalitatea hobetzea baita.
Prestakuntzaren diseinua, antolaketa, egitea eta ebaluaketa Hezkuntza Departamentuaren atal desberdinek gauzatzen dute eta nagusiki Prestakuntzaren eta Kalitatearen Atalaren eta Irakasleen Laguntza Zentroen (ILZ) ardura dira. Beraz, bertatik-bertako prestakuntza beharrei ahalik eta hobekien erantzuteko, ikastetxeei aholkularitza emateko eta Prestakuntza Plana garatzeko Nafarroan bost ILZ daude, hau da, Iruñean, Lekarozen, Lizarran, Tafallan eta Tuteran zentro bana. Dagokion ILZko erreferentziazko aholkulariak ikastetxeei lagunduko die beren ikastetxeko prestakuntza-plana egiten, antzemandako prestakuntza-premietan eta hobekuntza-planean oinarrituta. Era berean, ikastetxe bakoitzak prestakuntza-arduradun bat izendatuko du, ikastetxearen eta ILZko aholkularitzaren arteko lotura izan dadin. Inor izendatu ezean, ikasketa-buruak hartuko du bere gain zeregin hori.
Irakasleek jardueren garapenean eta diseinuan aktiboki parte hartzea garrantzitsua izango da jardueren eragin arrakastatsuari begira.
Etengabe garatzen ari den prestakuntza plana irekia dago hezkuntza kidegoko edozein eragilek edo Nafarroako gizarteak egin dezaketen proposamen eta ekimen orori.
Irakasleen prestakuntzan esku hartzen duten eragileek ondoko eginkizunak izango dituzte, besteak beste:
- Urteko Prestakuntza Planean aurrez ikusitako jarduerak antolatu eta praktikan jartzea.
- Irakasleen eskariak argitu eta erantzutea, beharrezkoa bada aldez aurretik planifikatutako eta argitaratutako eskaintzan ez dauden eta ikastetxeek eskatzen dituzten prestakuntza jarduerak antolatuz.
- Gai orokorrei eta curriculum arloetako berariazko gaiei buruz izan daitezkeen aholkularitza eskaerei erantzutea.
- Hezkuntza berrikuntzarekin konprometiturik, prestakuntza eskatzen duten irakasle taldeen jarduerak laguntzea, parte diren ikastetxearen edo eskualdearen unean uneko beharretatik sortutako proiektu zehatzak garatzeko.
- Zenbait irakaslek, euren ikastetxeen ezaugarriengatik (hezkuntza eredua, hizkuntza lerroa, tamaina, eskualdea, eta abar) euren irakaslanaren praktika beste irakasle batzuekin kontrastatzerik ez dutenean haiendako jarduerak prestatzea.
- Positiboki ebaluatutako hezkuntzako praktika onak eta esperientzia didaktikoak ikastetxeek truka ditzaten bultzatzea.
- Irakasle taldeek nola hezkuntzarekin zerikusia duten bestelako eragileek prestatutako kalitatezko materialak, dokumentuak eta proposamenak heda daitezen bultzatzea, ikasgelako praktika laguntzeko eta ikastetxeetan curriculuma garatzeko egiten diren prozesuak bultzatzeko.
- Hezkuntza baliabideen gaineko aholkularitza zerbitzua mantentzea ikastetxeendako.
- Irakasle taldeen koordinazioa erraztea, zuzendaritza taldeen, departamentu didaktikoen, zikloen, etapen edo lantaldeen eskariaren arabera.