Arte ikasketak

Arte ikasketen xedea da ikasleei kalitateko arte prestakuntza ematea eta musikaren, dantzaren, arte plastikoen eta diseinuaren arloko etorkizuneko profesionalen kualifikazioa bermatzea.

Kontaktua: Arte Ikasketetarako eta Musikaren Hiria Kudeatzeko Atala
Mezu elektronikoak: ensearti@navarra.es
Telefonoa: 848 42 69 73

Lehen eta Bigarren Hezkuntza
  • Lehen eta Bigarren Hezkuntza
    Arte Ikasketetarako eta Musikaren Hiria Kudeatzeko Atala arduratzen da musika hezkuntzaren garapena sustatzeaz araubide orokorreko irakaskuntzako etapetan eta, era berean, Arte ikasketei dagozkien berrikuntza programak eta hezkuntza esperimentazioko proiektuak planifikatzeaz, sustatzeaz, koordinatzeaz eta horien jarraipena egiteaz.
Arte plastikoak eta diseinua
  • Erdi maila
    Ikasketa horiek lanbide zehatz bat egiteko gaitzen dute. Bukatzean, teknikari titulua lortzen da.
  • Goi maila
    Ikasketa horien helburua da gaitasun eta prestakuntza handiagoa izanen duten profesionalak prestatzea, lanbide sektore bakoitzerako. Bukatzean, goi mailako teknikari titulua lortzen da.
  • Diseinuko goi mailako ikasketak
    Diseinuko goi mailako ikasketak 4 ikasmailatan antolatuta daude eta ikasmaila bakoitzak 60 ECTS kreditu ditu. Bukatzean, Diseinuko goi mailako titulua lortzen da, dagokion espezialitatean.
Musika
  • Musikako ikasketa profesionalak
    Kontserbatorio profesionalek ematen dituzten musikako ikasketa profesionalek sei kurtso dituzte. Irakasgaiak musika-tresnaren espezialitatearen araberakoak dira.
  • Goi mailako musika ikasketak
    Goi mailako musika ikasketen helburua profesionalen formazio kualifikatua da, musikaren berariazko ezagutzak menderatu ditzaten eta diziplina honetako esparru profesionaletan sartzeko gaituko dituzten heldutasun eta formazio tekniko eta humanistikorako beharrezkoak diren jarrerak hartu ditzaten.
Arautu gabeko ikasketak
  • Musika eskolak
    Foru Komunitateko hasierako prestakuntza berariazko musika eskolei dagokie. Ikastetxe hauek Nafarroa guztian barna daude barreiaturik, eta gehien gehienak udal titulartasunekoak dira.
  • Dantza
    Dantza Eskoletan emandako ikasketek iraupen aldakorra dute, eskola bakoitzak bere plan pedagogikoan ezarritakoaren arabera. Ez dago adin mugarik ikasketa hauek egiteko eta ez daude bideratuak balio akademiko eta profesionaleko tituluak erdiestera.
  • Nafarroako Antzerki Eskola
    NAEren jarduera nagusia da arte dramatikoaren ikasketa profesionalak ematea, diseinatuta daudenak prestakuntza integrala emateko etorkizunean antzerki interpretazioko profesionalak izanen direnei. Ikasketa horien bidez ez dira balio akademiko eta profesionaleko tituluak eskuratzen.
Arte ikasketetako irakasleen prestakuntza

Irakasleen prestakuntzaren bidez lortzen da mota guztietako baliabideak ematea irakasleari (baterako pedagogiak, metodo berekiak...), “diagnostikatuz” zer behar duten ikasleek une bakoitzean. Hala, irakaskuntza erakargarriagoa da irakasleentzat nahiz ikasleentzat, eta handiagoa da bi kolektibo horien motibazioa.

1. hiruhilekoko prestakuntza. 2021‑22 ikasturtea:

  • Antzerkiaren hastapenak: ahotsaren dinamika, gorputza eta inprobisazioa antzerkian. Hizlaria: Itxaso Badell.
  • Nafarroako Dantza Eskolako Irakasleentzako Eszenako Mugimendu Espresiboko teknikariak. Hizlaria: Sandra Aguerri.
  • Bideoak editatzeko programekin lan egiteko oinarriak. Hizlaria: Álvaro Díaz Urtasun.
  • Musikako ikerketa: proiektuak diseinatu eta gauzatzea praxitik eta teoriatik abiatuta. Hizlaria: Rubén López Cano.