Azken argitalpenak - Publicaciones
Eskolako liburutegiko Bilduma duen edukia.
583/2002 eta 527/2002 ebazpenak ageri dira; hain zuzen ere, Lehen Hezkuntzako eta Derrigorrezko Bigarren Hezkuntzako arlo guztietan ulermenezko irakurketa eta berariazko hiztegiak lantzeko argibideak ematen dituztenak. Halaber, Ulermenezko Irakurketaren Nafarroako Planaren oinarrizko printzipioak jasotzen dira.
Liburutegiak kudeatzeko ABIES 2.0 programa jartzeko eta erabiltzeko gidaliburua da.
Faltzesko LHko ikastetxeko irakasleen esperientzia aurkezten zaigu. Eskola liburutegia erabiltzaileen prestakuntzarako eta Haur Hezkuntzatik DBHko 1. mailara unitate didaktikoak garatzeko gune bihurtzeko emandako pausoak azaltzen zaigu. Erantsitako DVDean, edukiari, sarrerari eta liburutegiaren antolamenduari buruzko antzezpena egiten da.
Lehen zatian, idazketaz eta "ongi idazteaz" ulertzen dugunari buruzko hausnarketa orokorrak biltzen dira. Bigarren zatian, berriz, idatzizko adierazpenean irakasleek eta ikastetxeek duten eginkizuna aztertzen da eta proposamen zehatzak eskaintzen zaizkie edozein arlotako irakasleei. Batik bat, eskolan ekoiztu ohi diren testuak lantzen dira.
Sailkapen Hamartarra Unibertsalaren berri eman, eta eskola liburutegia antolatzeko nola aplikatu behar den azaltzen da.
Irakurketari eta eskola liburutegiaren eginkizunari buruzko hausnarketaz gain, irakurtzeko ohiturak sortzen lagungarria izan daiteke. Eskola liburutegian antolatutako kulturako zenbait jardueraren garapena aurkezten du.
Eskola liburutegia aztertzeko eta ikertzeko baliabideak eskaintzen dituen gune gisa aurkezten zaigu. Hainbat ariketa eskaintzen dira, ikasleek liburutegiak eskainitako materialak, kontsulta liburuak, entziklopediak eta hiztegiak erabiltzen ikas dezaten.
Lehen zatian, irakurketaren gaineko eredu teorikoa aurkezten da. Bigarren zatiak, berriz, irakurketa plan bati buruz dihardu. Besteak beste, horrelako plan baten xedea, ezaugarriak eta elementuak zehazten dira. Horrez gain, plana egiteko baliagarri izango zaizkigun argibideak ematen dira.
Lehen zatian, alde batetik, kontzeptu mapak eraikitzeko modua azaltzen zaigu; eta bestetik, irakurmena hobetzeko mapek duten garrantzia azpimarratzen da. Bigarrenean, berriz, irakasleek eta ikasleek eginiko kontzeptu mapak ageri zaizkigu, iruzkinez lagunduta.
Lehen zatiak ulermenezko irakurketaz eta irakurmena hobetzeko moduaz dihardu. Bigarren zatiak, berriz, unitate didaktikoaren, atalen, paragrafoen eta perpausen egiturei buruzko adibideak eskaintzen dizkigu.