Azken argitalpenak - Publicaciones
Atzerritarrei gaztelania erakusteko materialaren berri eman, eta horri buruzko iruzkinak egiten dira. Materiala honako bost multzo handi hauetan banatuta dago: gaztelania haurrei erakusteko materialak; gaztelania gazteei eta helduei erakusteko materiala; gaztelania gazte eta heldu alfabetatu gabeei erakusteko materiala; irakasleei laguntzeko materiala; eta azkenik, gaztelaniaren irakaskuntzarako baliabideak eskaintzen dituzten web orrien helbideak.
Hezkuntza Premia Bereziak dituzten ikasleei zuzendutako informatika programa askoren aipamena eta deskribapena egiten da. Era berean, deskribaturiko programa bakoitzaren eskakizun teknikoen berri ematen da.
Gure gizartean matematikak duen zereginari buruzko hausnarketa egin ondoren, liburuak Lehen Hezkuntzako ikasturteetan eta zikloetan hautemandako arazoak konpontzeko tailer baten eredua proposatzen digu, ikasgelan lantzeko hainbat jarduerekin batera. Halaber, CD-ROMa banatzen da askotariko jarduera eta proposamen didaktikoekin, euskaraz nahiz gaztelaniaz. Lehen hezkuntzako irakasleei zuzenduta dagoen arren, DBHko lehenengo ikasturteetarako ere baliagarria izan daiteke.
Liburu honek azaltzen du zer den ebaluazio diagnostikoa, LOEk urtero egin beharrekotzat ezarri duena ikastetxe guztietan DBHko bigarren kurtsoa amaitzean.
Liburu honek azaltzen du zer den ebaluazio diagnostikoa, LOEk urtero egin beharrekotzat ezarri duena ikastetxe guztietan Lehen Hezkuntzako bigarren zikloa amaitzean.
Zazpi modulutako programazioa ere jasotzen da: elektrizitatea, iturgintza, igeltserotza, zurgintza, sarrailagintza, beiragintza eta tapizgintza, eta dekorazioa. Modulu bakoitza hainbat unitate didaktikoren bidez garatzen da. Halaber, unitate bakoitzeko, helburuak, edukiak, metodologia didaktikoa, praktikak, baliabideak eta egiteko beharrezkoa den denbora zehazten dira. Curriculumaren aniztasunean diharduten ikasleentzat egina dago.
Zeharkako gaiak Ingeleseko orduetan lantzeko modua proposatzen zaigu. Ildoak zehaztu, eta ikasgelan aplikatzeko egokiak diren adibideak eskaintzen zaizkigu. Horrez gainera, irakasleek gai horiek lantzeko eskura ditzaketen materialen zerrenda ematen da.
Familiak iraklurzaletzeko urteroko kianpinaren liburuxka. Laburki deskribatzen ditu fikzioaren genero desberdinak (mitoak, ipuina, eleberriak…) eta hainbat irakurgai gomendatzen irakurle gazteendako egokiak.
Eskola liburutegian lantzeko egokiak diren prestakuntza jarduerak jasotzen dira. Lehen eta Bigarren Hezkuntzako irakasleei zuzenduta dago.
Eskola liburutegi batek eduki behar dituen oinarrizko funtsei buruzko argibideak ematen zaizkigu. Era berean, haur eta gazte literaturako argitaletxeek, informazio liburuek eta irakurketa planak egiteko nahiz ikasleen irakaskuntzarako Internetek eskainitako baliabideek osatutako zerrenda luzea eskuratuko dugu.