Azken argitalpenak - Publicaciones
Aldizkari honek, Nafarroa osoko 10-18 urte bitarteko ikasleen idazlanak jasotzen ditu, Eskola komunitatean dauden hainbat hizkuntzatan idatziak: gaztelera, euskara, ingelesa, frantsesa, galegoa, katalana, bulgaroa, arabea eta portugesa.
Ele-aniztasuna bultzatzeko eskola adlizkaria da. Ikasleentzako agertokia izan nahi du, bertan ikasleek argitara ditzaten beren ama hizkuntzan edo ikasten ari direnetako batean egin dituzten idazkiak.
DBHn elbarritasun psikikoa duten ikasleen beharrei hezkuntza erantzuna emateko gida da. Elbarritasun psikikoa definitzeaz gain, ikasle horien premiak azaltzen dira, bai adimen eta nortasunezkoak bai autonomia pertsonala nahiz sozialekoak. Curriculuma norbanakoari egokitzeko hainbat adibide ageri zaizkigu.
Liburuxka honetan gomendioak eskaintzen zaizkie goi mailako gaitasunak dituzten haurren gurasoei, saihestu beharreko alderdietan garrantzi berezia jarriz.
Lehen Hezkuntzako hiru zikloetan 2006-2007 ikasturte amaieran egingo den kanpo ebaluazioaren testuingurua aurkezten da. Ebaluatuko diren arloetako proben ereduak ere topa daitezke, hau da: gaztelaniazko ulermenezko irakurketa, gaztelaniazko testuen ekoizpena eta arazoen ebazpena.
Dokumentu honek ikasle etorkinen eskolaratzea errazteko orientabideak eskaintzen ditu. Familian nahiz ikastetxean, ikasleekin egin beharreko jarduerak ageri dira. Horrez gain, hainbat arlotan kultur arteko ikuspegia txertatzeko moduaz eta irakaskuntza-ikaskuntza prozesuaren planifikazioaz eta garapenaz arduratzen da. Bibliografia laburra ere eskaintzen du.
Hezkuntza Ikuskaritzako Sistemaren Ebaluazioa saileko 8. zenbakia. Liburuaren asmoa da zenbait irizpide bateratu sortu eta eskaintzea Lehen Hezkuntzako ikasleek idatzitako testuak zuzentzeko. Euskarazko bertsioa berariaz egokitua dago euskarazko testuak zuzendu beharrak dakartzan problemetarako.
Elikadura ohiturei buruzko argibideak ematen dira. Ohitura osasuntsuen gaineko gomendioak eskaini, eta zailtasun arruntenak azaltzen dira, hala nola jateko gogorik eza, ukazioa, mahaian egoteko jarrera eta tresnen erabilera. Zailtasun larrienak ere aztertzen dira, esate baterako, anorexia, bulimia eta gizentasuna. Halaber, familian jarraitu beharreko orientabideak eta ildoak ematen dira.
Nafarroko Foru Komunitateko unibertsitateaz kanpoko ikastetxe publikoetan eta ikastetxe pribatu itunduetan bizikidetza arautzen duena. Garatzeko ereduak eta iradokizunak.
Kanpoan egin daitezkeen ekintzen eskuliburua da. Bertan deskribatzen dira Kartografiako Orientazioaren eta Meteorologia eta Klimaren oinarrizko alderdiak. Halaber, oinez, bizikletaz eta zaldiz txangoak egiteko argibideak ematen dira.