Azken argitalpenak - Publicaciones
escritura etiketa duen edukia.
Irakurmena eta idazmena hobetzeko proiektua da, Derrigorrezko Bigarren Hezkuntzarako pentsatua. Gure ikasleek ongi berrendutako eta gaizki barrendutako gaitasunetatik abiatuta, ondoren irakurketa eta idazketa planaren helburuak proposatzen dira. Idazketa eta irakurketa plan baten oinarriak zertan diren esplikatzen da eta jarraibideak ematen ikastetxe bakoitzak bere plan propioa eratu dezan.
Hezkuntza Ikuskaritzako Sistemaren Ebaluazioa saileko 8. zenbakia. Liburuaren asmoa da zenbait irizpide bateratu sortu eta eskaintzea Lehen Hezkuntzako ikasleek idatzitako testuak zuzentzeko. Euskarazko bertsioa berariaz egokitua dago euskarazko testuak zuzendu beharrak dakartzan problemetarako.
Instrumenta Bildumaren 3. alean, ikasleek idatzitako testuetan ageri diren akatsen eta gabezien azterketa zehatza egiten da eta askotariko jarduerak proposatzen dira, idatzizko adierazpena hobetzeko. Ortografiatik paragrafo motetaraino doan azterketa aurkezten zaigu; tartean, zuzenketa gramatikalak, puntuazioa eta testuen koherentzia ere landuz.
Lehen zatian, irakurketari, esanahiari eta testuaren ulermenari buruzko hausnarketa sakona eskaintzen zaigu, irakurtzeko ekintzan parte hartzen duten faktoreak aintzat hartuz, hau da: irakurlea, testua eta testuingurua. Bigarren zatian, berriz, honako hauek eskaintzen dira: ulermenezko irakurketaren aurretik egin beharreko jarduerak, arlo guztietan komunak diren irakurmen trebetasunak garatzeko jarduerak eta testuak hobe ulertzeko idazketa jarduerak.
Lehen zatian, idazketaz eta "ongi idazteaz" ulertzen dugunari buruzko hausnarketa orokorrak biltzen dira. Bigarren zatian, berriz, idatzizko adierazpenean irakasleek eta ikastetxeek duten eginkizuna aztertzen da eta proposamen zehatzak eskaintzen zaizkie edozein arlotako irakasleei. Batik bat, eskolan ekoiztu ohi diren testuak lantzen dira.
"Hezkuntza Ikuskaritzaren Koadernoak" bildumako Sistemaren Ebaluazioa sailaren 7. zenbakia. Erdaraz sail horren 7. zenbakia lehendik argitaratua zegoen baina euskarazko hau ez da haren itzulpena, baizik eta beste obra bat, euskal testuak zuzentzeak dakartzan zailtasunetan laguntzeko berariaz ondua.
Irakurketari eta eskola liburutegiaren eginkizunari buruzko hausnarketaz gain, irakurtzeko ohiturak sortzen lagungarria izan daiteke. Eskola liburutegian antolatutako kulturako zenbait jardueraren garapena aurkezten du.
CD-ROMean jasotako multimedia metodo hau euskaraz irakurtzen eta idazten erakusteko euskarri gisa erabil dezakegu. Ikasleei eta irakasleei irakurketa berriak sortzeko aukera eskaintzen die, testu, soinu eta animazioen laguntzaz.
Ikaskuntzaren nahasteen gida, irakurtzeko, idazteko eta kalkulatzeko zailtasunak dituzten ikasleetan zentratzen da.
Argudiatzea eta iritzi testuak lantzeko hainbat sekuentzi didaktiko aurkezten dira. Zenbait tailerretan antolaturik, lehen hezkuntzako azken zikloko ikasleei zuzenduta dago.