Azken argitalpenak - Publicaciones
lectura etiketa duen edukia.
Lehen zatian, irakurketari, esanahiari eta testuaren ulermenari buruzko hausnarketa sakona eskaintzen zaigu, irakurtzeko ekintzan parte hartzen duten faktoreak aintzat hartuz, hau da: irakurlea, testua eta testuingurua. Bigarren zatian, berriz, honako hauek eskaintzen dira: ulermenezko irakurketaren aurretik egin beharreko jarduerak, arlo guztietan komunak diren irakurmen trebetasunak garatzeko jarduerak eta testuak hobe ulertzeko idazketa jarduerak.
Lehen zatian, irakurketari, hizkuntzalaritzaren eta literaturaren irakaskuntzari eta animazio teknikei buruzko iritziak ematen dira. Bigarren zatian, berriz, eskola liburutegian lantzeko hainbat jarduera proposatzen dira, bi ardatz nagusitan banatuta: liburua hausnarketarako tresna gisa eta liburua osatzen duten elementuak.
Irakurmena definitzeaz gain, PIRLS eta PISA nazioarteko ebaluazio proiektuetan irakurketari buruz jasotakoaz hitz egiten da. Era berean, irakurketan goi mailako errendimenduak lortu ahal izateko, hezkuntza sisteman egin beharreko jarduera egokiak aztertu, eta jarduteko proposamenak zehazten dira.
En este librito, José Antonio Millán defiende la tesis de que la lectura es la llave del conocimiento en la sociedad de la información. Su argumento es que, en la sociedad digital, son necesarias habilidades avanzadas de lectura para poder consultar, integrar y asimilar la ingente cantidad de información que las páginas web ponen a nuestra disposición.
Lehen zatiak irakurmenaz eta ulermenezko irakurketa hobetzeko moduaz dihardu. Bigarren zatiak, berriz, unitate didaktikoaren, atalen, paragrafoen eta perpausen egiturei buruzko adibideak eskaintzen dizkigu.
583/2002 eta 527/2002 ebazpenak ageri dira; hain zuzen ere, Lehen Hezkuntzako eta Derrigorrezko Bigarren Hezkuntzako arlo guztietan ulermenezko irakurketa eta berariazko hiztegiak lantzeko argibideak ematen dituztenak. Halaber, Ulermenezko Irakurketaren Nafarroako Planaren oinarrizko printzipioak jasotzen dira.
Faltzesko LHko ikastetxeko irakasleen esperientzia aurkezten zaigu. Eskola liburutegia erabiltzaileen prestakuntzarako eta Haur Hezkuntzatik DBHko 1. mailara unitate didaktikoak garatzeko gune bihurtzeko emandako pausoak azaltzen zaigu. Erantsitako DVDean, edukiari, sarrerari eta liburutegiaren antolamenduari buruzko antzezpena egiten da.
Irakurmena lantzeko probak jasotzen dira, gaztelaniaz, ingelesez eta euskaraz. Horrekin batera, ikasleen gaitasuna hobetzeko hausnarketak eta proposamenak eskaintzen dira. Probak gaitasun horri nazioartean eginiko probetako koordenaden arabera egiten da. Horrelakoetan arreta berezia jartzen da, ulermenari eta ahozko nahiz idatzizko adierazpenari loturiko alderdietan.
Irakurketari eta eskola liburutegiaren eginkizunari buruzko hausnarketaz gain, irakurtzeko ohiturak sortzen lagungarria izan daiteke. Eskola liburutegian antolatutako kulturako zenbait jardueraren garapena aurkezten du.
CD-ROM honek hizkuntza, irakurketa eta idazketari buruzko jarduerak eskaintzen ditu, ordenagailuan egiteko. Hasiera batean, bederen, Hezkuntza Premia Bereziak dituzten edo ikaskuntzan atzeratuak dabiltzan ikasleei zuzendutako lana da. Horren bidez, hizkuntza garatzen, irakurtzen eta idazten ikasteko lagundu nahi zaie. Nolanahi ere, HHn eta LHko lehen mailan aplikatu daiteke arazorik gabe.